Member-only story
柯達的倒閉對央行數字貨幣應用的啟示
做偏門的又怎會建議手機實名制呢？不過話時話，柯達當年時任CEO都唔同意發展數碼攝影啦。口口聲聲話數碼攝影成像低、遠不及菲林的自然及有層次云云，根本冇考慮過科技發展突飛猛進。其實係怕影響其菲林印象業務的收入。無它，任內公司業績當然比以後公司會面臨倒閉重要啦。
讀完以下文章發展那位首席經濟學家一係根本唔認識科技，一係就是想保持瑞士目前的優勢多十年八年。 瑞士一向係歐洲嘅避稅天堂，在各國之間信息不對稱及互不信任嘅大環境下，瑞士、盧森堡、新加坡、甚至香港一直以來賴以「發財」嘅方法。 區塊鏈技術最具顛覆性嘅價值就是分散式信任機制及去中界化。 目前瑞士支持加密貨幣只是因為該技術能繼續維持國與國之間的互不信任及仍然需要中介去為實體及虛擬之間嘅交易做媒介。 而央行數字貨幣跟加密貨幣嘅區塊鏈或者更準確稱呼其為分散式帳本 (DLT) 技術根本不同。雖然人民銀行沒有將其 eCNY 的技術仔細公開，專家們都好清楚 eCNY用嘅技術並不是區塊鏈。 它既不需要虛耗大量能源「挖礦」同埋唔需要用複雜嘅算法去令全部節點與節點之間嘅資料同步及核算。
愚公以為，唔理瑞士定香港嘅既得利益者定係墨守成規的官員點樣反對，當中國內地的 eCNY 全面落地甚至以零售模式服務大灣區甚至一帶一路地區嘅時候，瑞士及香港目前嘅超級聯繫人角色自然就會被 CBDC 這個同時擁有虛擬貨幣嘅交易資料不可竄改特性及特別有中央銀行設計嘅有限制匿名性而被顛覆。 簡而言之，以前需要中介包括一套買賣雙方也相信的法律、審計辦法、資料保護、金融服務等才能完成的買賣交易將可以有更可靠的跨邊「機器人」來完成。
歐盟要統領西歐、英國要繼續影響全球、新加坡要繼續以小做大就必須擁抱金融科技。否則就會學柯達一樣，當發現個個已經唔買菲林影相先來起步就肯定會太遲。 香港金融管理局話會研究一年有關本港會否使用 eHKD，個人以為要維持港元的重要地位根本冇得選擇。 否則香港就會好似東南亞國家一樣，樣樣嘢也有本地貨幣同埋美元兩個標價。只不過，未來就會變成港幣及人民幣兩個吧。
瑞士央行首席經濟學家：CBDC 不必靠區塊鏈技術，去中心化「效率很差」
https://www.blocktempo.com/switzerland-central-bank-snb-economist-blockchain-not-ideal-for-cbdc
